ab to ek umr hui yaad na kar lun KHud ko

ab to ik umr huī yaad na kar luuñ ḳhud ko

huuñ kahīñ zehn meñ ījād na kar luuñ ḳhud ko

vo ḳharāba ki jahāñ koī na ho mere sivā

us ḳharābe meñ hī ābād na kar luuñ ḳhud ko

jaane kis lamha-e-pur-dard kī yaad aa.ī hai

rote rote yūñhī barbād na kar luuñ ḳhud ko

vahī tanhā.ī kā aalam vahī sayyād kā ḳhauf

apnā zindāñ huuñ to āzād na kar luuñ ḳhud ko

hashr ke ba.ad bhī rahnā hai zamīñ par mujh ko

maiñ jahāñ-zād zamīñ-zād na kar luuñ ḳhud ko

ye jo khīñche liye jaatā hai bayābāñ kī taraf

dil ko ḳhadsha hai ki ābād na kar luuñ ḳhud ko

mil hī jā.ūñgā ga.e vaqt meñ ik din 'shāriq'

lauh-e-imkān pe īzād na kar luuñ ḳhud ko

ab to ek umr hui yaad na kar lun KHud ko

hun kahin zehn mein ijad na kar lun KHud ko

wo KHaraba ki jahan koi na ho mere siwa

us KHarabe mein hi aabaad na kar lun KHud ko

jaane kis lamha-e-pur-dard ki yaad aai hai

rote rote yunhi barbaad na kar lun KHud ko

wahi tanhai ka aalam wahi sayyaad ka KHauf

apna zindan hun to aazad na kar lun KHud ko

hashr ke baad bhi rahna hai zamin par mujh ko

main jahan-zad zamin-zad na kar lun KHud ko

ye jo khinche liye jata hai bayaban ki taraf

dil ko KHadsha hai ki aabaad na kar lun KHud ko

mil hi jaunga gae waqt mein ek din 'shaariq'

lauh-e-imkan pe izad na kar lun KHud ko