ab to is bazm mein yun nesh-zani hoti hai

ab to is bazm meñ yuuñ nesh-zanī hotī hai

parda-e-lutf meñ ḳhātir-shikanī hotī hai

dil ko de jaatā hai chupke se tasallī koī

jab mirī shaam ġharīb-ul-vatanī hotī hai

aadmī ke liye āsān hai ālam-shikanī

saḳht dushvār magar ḳhud-shikanī hotī hai

kis tarah kījiye ab un se taġhāful kā gila

lab hilāte haiñ to ḳhātir-shikanī hotī hai

sāmne aa ke zarā ham se milāo nazreñ

kahīñ parde se bhī nāvak-faganī hotī hai

jin pe guzrī hai vahī us ko samajh sakte haiñ

dil-dahī se bhī kabhī dil-shikanī hotī hai

shām-e-ġham aatī hai ik aisī ghaḌī bhī 'shāriq'

aap ḳhud apne pe jab ḳhanda-zanī hotī hai

ab to is bazm mein yun nesh-zani hoti hai

parda-e-lutf mein KHatir-shikani hoti hai

dil ko de jata hai chupke se tasalli koi

jab meri sham gharib-ul-watani hoti hai

aadmi ke liye aasan hai aalam-shikani

saKHt dushwar magar KHud-shikani hoti hai

kis tarah kijiye ab un se taghaful ka gila

lab hilate hain to KHatir-shikani hoti hai

samne aa ke zara hum se milao nazren

kahin parde se bhi nawak-fagani hoti hai

jin pe guzri hai wahi us ko samajh sakte hain

dil-dahi se bhi kabhi dil-shikani hoti hai

sham-e-gham aati hai ek aisi ghaDi bhi 'shaariq'

aap KHud apne pe jab KHanda-zani hoti hai