ab to jugnu bhi nahin rah dikhane wala

ab to jugnū bhī nahīñ raah dikhāne vaalā

shahr meñ qaid huā gaañv se aane vaalā

phir vahī arz mirī haqq-o-sadāqat vaalī

phir vahī uzr tirā hiila bahāne vaalā

farsh-e-gul jaan ke ḳhāroñ pe qadam rakhtā huuñ

kaun hai mere liye palkeñ bichhāne vaalā

tum dikhāte phiro apnā gul-o-gulzār badan

koī marham nahīñ zaḳhmoñ pe lagāne vaalā

mustaqil dard kā darmāñ ho vo tadbīr sujhā

aarzī hal na batā kaam chalāne vaalā

sāf-goī hai mirā aib ye maanā lekin

pahle zaḳhmoñ ko gine aib gināne vaalā

mo.ajiza ḳhuub huā jang bhī ham jiit ga.e

khel khelā bhī nahīñ terā nishāne vaalā

chāhtā huuñ ki 'zafar' ghol ke pī jā.ūñ use

vo jo nusḳha hai sar āñkhoñ se lagāne vaalā

ab to jugnu bhi nahin rah dikhane wala

shahr mein qaid hua ganw se aane wala

phir wahi arz meri haqq-o-sadaqat wali

phir wahi uzr tera hila bahane wala

farsh-e-gul jaan ke KHaron pe qadam rakhta hun

kaun hai mere liye palken bichhane wala

tum dikhate phiro apna gul-o-gulzar badan

koi marham nahin zaKHmon pe lagane wala

mustaqil dard ka darman ho wo tadbir sujha

aarzi hal na bata kaam chalane wala

saf-goi hai mera aib ye mana lekin

pahle zaKHmon ko gine aib ginane wala

moajiza KHub hua jang bhi hum jit gae

khel khela bhi nahin tera nishane wala

chahta hun ki 'zafar' ghol ke pi jaun use

wo jo nusKHa hai sar aankhon se lagane wala