ab ye hoga shayad apni aag mein KHud jal jaenge

ab ye hogā shāyad apnī aag meñ ḳhud jal jā.eñge

tum se duur bahut rah kar bhī kyā paayā kyā pā.eñge

dukh bhī sachche sukh bhī sachche phir bhī terī chāhat meñ

ham ne kitne dhoke khaa.e kitne dhoke khā.eñge

kal ke dukh bhī kaun se baaqī aaj ke dukh bhī kai din ke

jaise din pahle kaaTe the ye din bhī kaT jā.eñge

aql pe ham ko naaz bahut thā lekin ye kab sochā thā

ishq ke hāthoñ ye bhī hogā log hameñ samjhā.eñge

āñkhoñ se ojhal honā kyā dil se ojhal honā hai

tujh se chhuT kar bhī ahl-e-ġham kyā tujh se chhuT jā.eñge

ham se ābla-pā jab tanhā ghabrā.eñge sahrā meñ

rāste sab tere hī ghar kī jānib ko muḌ jā.eñge

ab ye hoga shayad apni aag mein KHud jal jaenge

tum se dur bahut rah kar bhi kya paya kya paenge

dukh bhi sachche sukh bhi sachche phir bhi teri chahat mein

hum ne kitne dhoke khae kitne dhoke khaenge

kal ke dukh bhi kaun se baqi aaj ke dukh bhi kai din ke

jaise din pahle kaTe the ye din bhi kaT jaenge

aql pe hum ko naz bahut tha lekin ye kab socha tha

ishq ke hathon ye bhi hoga log hamein samjhaenge

aankhon se ojhal hona kya dil se ojhal hona hai

tujh se chhuT kar bhi ahl-e-gham kya tujh se chhuT jaenge

hum se aabla-pa jab tanha ghabraenge sahra mein

raste sab tere hi ghar ki jaanib ko muD jaenge