abhi farman aaya hai wahan se
abhī farmān aayā hai vahāñ se
ki haT jā.ūñ maiñ apne darmiyāñ se
yahāñ jo hai tanaffus hī meñ gum hai
parinde uḌ rahe haiñ shāḳh-e-jāñ se
darīcha baaz hai yādoñ kā aur maiñ
havā suntā huuñ peḌoñ kī zabāñ se
zamāna thā vo dil kī zindagī kā
tirī furqat ke din lā.ūñ kahāñ se
thā ab tak ma.arka bāhar kā darpesh
abhī to ghar bhī jaanā hai yahāñ se
fulāñ se thī ġhazal behtar fulāñ kī
fulāñ ke zaḳhm achchhe the fulāñ se
ḳhabar kyā duuñ maiñ shahr-e-raftagāñ kī
koī lauTe bhī shahr-e-raftagāñ se
yahī anjām kyā tujh ko havas thā
koī pūchhe to mīr-e-dāstāñ se
abhi farman aaya hai wahan se
ki haT jaun main apne darmiyan se
yahan jo hai tanaffus hi mein gum hai
parinde uD rahe hain shaKH-e-jaan se
daricha baz hai yaadon ka aur main
hawa sunta hun peDon ki zaban se
zamana tha wo dil ki zindagi ka
teri furqat ke din laun kahan se
tha ab tak marka bahar ka darpesh
abhi to ghar bhi jaana hai yahan se
fulan se thi ghazal behtar fulan ki
fulan ke zaKHm achchhe the fulan se
KHabar kya dun main shahr-e-raftagan ki
koi lauTe bhi shahr-e-raftagan se
yahi anjam kya tujh ko hawas tha
koi puchhe to mir-e-dastan se
- Book : yani (Pg. 33)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
