abhi hijr daman mein utra nahin hai
abhī hijr dāman meñ utrā nahīñ hai
magar vasl kā bhī to charchā nahīñ hai
abhī dhuup āñgan meñ khul ke na aa.ī
abhī raat se rabt TuuTā nahīñ hai
ḳhabar tere aane kī jis din milī thī
usī din se khiḌkī pe parda nahīñ hai
anā ko liye kab se baiThā hai dariyā
jagah se samundar bhī hiltā nahīñ hai
nadī aas meñ suukh jā.egī ik din
ye nādān bādal barastā nahīñ hai
gayā ziist kā āḳhirī moḌ kah kar
kisī ke liye vaqt Thahrā nahīñ hai
vahāñ ishq kā paañv paḌtā hai aksar
jahāñ se 'suman' aage rasta nahīñ hai
abhi hijr daman mein utra nahin hai
magar wasl ka bhi to charcha nahin hai
abhi dhup aangan mein khul ke na aai
abhi raat se rabt TuTa nahin hai
KHabar tere aane ki jis din mili thi
usi din se khiDki pe parda nahin hai
ana ko liye kab se baiTha hai dariya
jagah se samundar bhi hilta nahin hai
nadi aas mein sukh jaegi ek din
ye nadan baadal barasta nahin hai
gaya zist ka aaKHiri moD kah kar
kisi ke liye waqt Thahra nahin hai
wahan ishq ka panw paDta hai aksar
jahan se 'suman' aage rasta nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
