abhi jazba-e-shauq kaamil nahin hai
abhī jazba-e-shauq kāmil nahīñ hai
ki begāna-e-ārzū dil nahīñ hai
koī parda-e-rāz haa.il nahīñ hai
sitam hai vo phir bhī muqābil nahīñ hai
sar āñkhoñ pe nairañgi-e-bazm-e-ālam
jise ḳhauf-e-ġham ho ye vo dil nahīñ hai
masarrat-ba-dāmāñ huuñ sailāb-e-ġham meñ
koī mauj mahrūm-e-sāhil nahīñ hai
mohabbat se bach kar kahāñ jā.iyegā
talātum hai āġhosh-e-sāhil nahīñ hai
vo kis nāz-o-andāz se kah rahe haiñ
'shakīl' ab mohabbat ke qābil nahīñ hai
abhi jazba-e-shauq kaamil nahin hai
ki begana-e-arzu dil nahin hai
koi parda-e-raaz hail nahin hai
sitam hai wo phir bhi muqabil nahin hai
sar aankhon pe nairangi-e-bazm-e-alam
jise KHauf-e-gham ho ye wo dil nahin hai
masarrat-ba-daman hun sailab-e-gham mein
koi mauj mahrum-e-sahil nahin hai
mohabbat se bach kar kahan jaiyega
talatum hai aaghosh-e-sahil nahin hai
wo kis naz-o-andaz se kah rahe hain
'shakil' ab mohabbat ke qabil nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
