abhi qail hue hi the tumhaari rahnumai ke

abhī qaa.il hue hī the tumhārī rahnumā.ī ke

tabhī anjām dekhe kuchh ḳhudāoñ kī ḳhudā.ī ke

yuuñ mujh se duur jaane kā safar ye rā.egāñ hogā

kabhī vo din na bhūleñge terī mujh se rihā.ī ke

diloñ se jo nikaltī hai miTā.e se nahīñ miTtī

nahīñ jaate kabhī ye rañg dil kī raushnā.ī ke

diye ke ek ishāre par lapak kar jaan dete haiñ

abhī tevar kahāñ dekhe haiñ tum ne pārsā.ī ke

koī hiirā koī motī vo phūloñ se sajā bistar

batāo daam kyā paa.e ho apnī muñh-dikhā.ī ke

banāne meñ miTāne meñ zarā to vaqt lagtā hai

abhī din hī hue kitne tumhārī bevafā.ī ke

hamesha kuchh namī baaqī bachī rahtī hai āñkhoñ meñ

kuchh aisā haal hai un kā ki jañgal hoñ tarā.ī ke

miloge ḳhaak meñ tum bhī to mujh se mil hī jāoge

faqat kuchh saal baaqī haiñ merī tum se judā.ī ke

abhi qail hue hi the tumhaari rahnumai ke

tabhi anjam dekhe kuchh KHudaon ki KHudai ke

yun mujh se dur jaane ka safar ye raegan hoga

kabhi wo din na bhulenge teri mujh se rihai ke

dilon se jo nikalti hai miTae se nahin miTti

nahin jate kabhi ye rang dil ki raushnai ke

diye ke ek ishaare par lapak kar jaan dete hain

abhi tewar kahan dekhe hain tum ne parsai ke

koi hira koi moti wo phulon se saja bistar

batao dam kya pae ho apni munh-dikhai ke

banane mein miTane mein zara to waqt lagta hai

abhi din hi hue kitne tumhaari bewafai ke

hamesha kuchh nami baqi bachi rahti hai aankhon mein

kuchh aisa haal hai un ka ki jangal hon tarai ke

miloge KHak mein tum bhi to mujh se mil hi jaoge

faqat kuchh sal baqi hain meri tum se judai ke