abhi tak chashm-e-qatil se pashemani nahin jati

abhī tak chashm-e-qātil se pashemānī nahīñ jaatī

nadāmat ḳhūn-e-nāhaq kī ba-āsānī nahīñ jaatī

haqīqat parda-e-bātil meñ chhup jaa.e ye nā-mumkin

pas-e-fānūs bhī sho.aloñ kī uryānī nahīñ jaatī

farishte mahv-e-hairat rah ga.e parvāz-e-insāñ par

vahāñ pahuñchā jahāñ tak aql-e-insānī nahīñ jaatī

sitamgārī asar kartī nahīñ rañgīñ tabī.at par

qafas meñ bhī anādil kī ġhazal-ḳhvānī nahīñ jaatī

na ho jaa.e kahīñ zer-o-zabar ye ā.īna-ḳhāna

nigāh-e-'shauq' se jalvoñ kī hairānī nahīñ jaatī

abhi tak chashm-e-qatil se pashemani nahin jati

nadamat KHun-e-nahaq ki ba-asani nahin jati

haqiqat parda-e-baatil mein chhup jae ye na-mumkin

pas-e-fanus bhi shoalon ki uryani nahin jati

farishte mahw-e-hairat rah gae parwaz-e-insan par

wahan pahuncha jahan tak aql-e-insani nahin jati

sitamgari asar karti nahin rangin tabiat par

qafas mein bhi anadil ki ghazal-KHwani nahin jati

na ho jae kahin zer-o-zabar ye aaina-KHana

nigah-e-'shauq' se jalwon ki hairani nahin jati