abhi to dil ke faqat pahle paedan pe ho

abhī to dil ke faqat pahle pā.edān pe ho

magar yaqīn ke tum āḳhirī nishān pe ho

na jaane kaun sī manzil meñ ishq hai merā

kisī duā kī tarah tum mirī zabān pe ho

bulandiyoñ pe tavāzun kī ehtiyāt rakho

ye vo jagah hai ki tum har ghaḌī Dhalān pe ho

hamārī niiñd phir āñkhoñ se ho ga.ī ruḳhsat

ki jaise ḳhvāb ke hamrāh phir uḌaan pe ho

khilaunoñ kī nahīñ ab justujū hai bachpan kī

ḳharīd luuñ maiñ agar ye kisī dukān pe ho

haiñ kitne ġham jo mujhe chārāgar ne baḳhshe haiñ

ab in ġhamoñ kā mudāvā to āsmān pe ho

tumhāre dil meñ mohabbat ke phuul yuuñ mahkeñ

hamāre naam kī titlī bhī phūl-dān pe ho

zamīñ pe jaal nahīñ hai to kyā patā 'ḳhālid'

shikārī ghaat lagā.e kisī machān pe ho

abhi to dil ke faqat pahle paedan pe ho

magar yaqin ke tum aaKHiri nishan pe ho

na jaane kaun si manzil mein ishq hai mera

kisi dua ki tarah tum meri zaban pe ho

bulandiyon pe tawazun ki ehtiyat rakho

ye wo jagah hai ki tum har ghaDi Dhalan pe ho

hamari nind phir aankhon se ho gai ruKHsat

ki jaise KHwab ke hamrah phir uDan pe ho

khilaunon ki nahin ab justuju hai bachpan ki

KHarid lun main agar ye kisi dukan pe ho

hain kitne gham jo mujhe chaaragar ne baKHshe hain

ab in ghamon ka mudawa to aasman pe ho

tumhaare dil mein mohabbat ke phul yun mahken

hamare nam ki titli bhi phul-dan pe ho

zamin pe jal nahin hai to kya pata 'KHalid'

shikari ghat lagae kisi machan pe ho