abr chhaya na koi abr barasta guzra

abr chhāyā na koī abr barastā guzrā

ab ke sāvan bhī kaḌī dhuup meñ jaltā guzrā

yā sar-e-rāh kabhī TuuT ke taare barse

yā kisī chāñd kā bujhtā huā saaya guzrā

ham jalāte rahe har-gām mohabbat ke charāġh

vo rah-o-rasm kī har sham.a bujhātā guzrā

ham guzar jaate haiñ har duur se aise jaise

ek aañsū kisī chehre se Dhalaktā guzrā

sochtā huuñ ki badalne paḌe kitne chehre

zindagī guzrī hai apnī ki tamāshā guzrā

jāda-e-umr 'atash' paañv kī gardish Thahrī

dasht simTā na kabhī dāman-e-sahrā guzrā

abr chhaya na koi abr barasta guzra

ab ke sawan bhi kaDi dhup mein jalta guzra

ya sar-e-rah kabhi TuT ke tare barse

ya kisi chand ka bujhta hua saya guzra

hum jalate rahe har-gam mohabbat ke charagh

wo rah-o-rasm ki har shama bujhata guzra

hum guzar jate hain har dur se aise jaise

ek aansu kisi chehre se Dhalakta guzra

sochta hun ki badalne paDe kitne chehre

zindagi guzri hai apni ki tamasha guzra

jada-e-umr 'atash' panw ki gardish Thahri

dasht simTa na kabhi daman-e-sahra guzra