abr-e-rahmat gharon pe rahte the

abr-e-rahmat gharoñ pe rahte the

jab dupaTTe saroñ pe rahte the

vo bhī parda-daroñ meñ shāmil haiñ

parde jin ke daroñ pe rahte the

aaj ke tājvar haiñ jo kal tak

vaqt kī Thokaroñ pe rahte the

un kī kirchoñ se paaoñ zaḳhmī haiñ

hoñT jo sāġharoñ pe rahte the

raqs karte the ham bhī lekin haañ

markazoñ mahvaroñ pe rahte the

ham ko rahnā paḌā vahāñ 'parvīn'

dil jahāñ ḳhanjaroñ pe rahte the

abr-e-rahmat gharon pe rahte the

jab dupaTTe saron pe rahte the

wo bhi parda-daron mein shamil hain

parde jin ke daron pe rahte the

aaj ke tajwar hain jo kal tak

waqt ki Thokaron pe rahte the

un ki kirchon se paon zaKHmi hain

honT jo sagharon pe rahte the

raqs karte the hum bhi lekin han

markazon mahwaron pe rahte the

hum ko rahna paDa wahan 'parwin'

dil jahan KHanjaron pe rahte the