achchha hua ki dam shab-e-hijran nikal gaya

achchhā huā ki dam shab-e-hijrāñ nikal gayā

dushvār thā ye kaam par āsāñ nikal gayā

bak bak se nāsehoñ kī huā ye to fā.eda

maiñ ghar se chaak kar ke girebāñ nikal gayā

phir dekhnā ki ḳhizr phiregā bahā bahā

gar sū-e-dasht maiñ kabhī giryāñ nikal gayā

ḳhūbī safā-e-dil kī hamārī ye jāniye

siine ke paar saaf jo paikāñ nikal gayā

hañgāme kaise rahte haiñ apne sabab se vaañ

ham se hī nām-e-kūcha-e-jānāñ nikal gayā

furqat meñ kār-e-vasl liyā vaah vaah se

har āh-e-dil ke saath ik armāñ nikal gayā

behtar huā ki aa.e vo mahfil meñ be-naqāb

'ārif' ġhurūr-e-māh-e-jabīnāñ nikal gayā

achchha hua ki dam shab-e-hijran nikal gaya

dushwar tha ye kaam par aasan nikal gaya

bak bak se nasehon ki hua ye to faeda

main ghar se chaak kar ke gireban nikal gaya

phir dekhna ki KHizr phirega baha baha

gar su-e-dasht main kabhi giryan nikal gaya

KHubi safa-e-dil ki hamari ye jaaniye

sine ke par saf jo paikan nikal gaya

hangame kaise rahte hain apne sabab se wan

hum se hi nam-e-kucha-e-jaanan nikal gaya

furqat mein kar-e-wasl liya wah wah se

har aah-e-dil ke sath ek arman nikal gaya

behtar hua ki aae wo mahfil mein be-naqab

'arif' ghurur-e-mah-e-jabinan nikal gaya