achchhe isa ho marizon ka KHayal achchha hai
achchhe iisā ho marīzoñ kā ḳhayāl achchhā hai
ham mare jaate haiñ tum kahte ho haal achchhā hai
tujh se māñgūñ maiñ tujhī ko ki sabhī kuchh mil jaa.e
sau savāloñ se yahī ek savāl achchhā hai
dekh le bulbul o parvāna kī betābī ko
hijr achchhā na hasīnoñ kā visāl achchhā hai
aa gayā us kā tasavvur to pukārā ye shauq
dil meñ jam jaa.e ilāhī ye ḳhayāl achchhā hai
āñkheñ dikhlāte ho joban to dikhāo sāhab
vo alag bāñdh ke rakkhā hai jo maal achchhā hai
barq agar garmi-e-raftār meñ achchhī hai 'amīr'
garmi-e-husn meñ vo barq-jamāl achchhā hai
achchhe isa ho marizon ka KHayal achchha hai
hum mare jate hain tum kahte ho haal achchha hai
tujh se mangun main tujhi ko ki sabhi kuchh mil jae
sau sawalon se yahi ek sawal achchha hai
dekh le bulbul o parwana ki betabi ko
hijr achchha na hasinon ka visal achchha hai
aa gaya us ka tasawwur to pukara ye shauq
dil mein jam jae ilahi ye KHayal achchha hai
aankhen dikhlate ho joban to dikhao sahab
wo alag bandh ke rakkha hai jo mal achchha hai
barq agar garmi-e-raftar mein achchhi hai 'amir'
garmi-e-husn mein wo barq-jamal achchha hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
