ada se dekh lo jata rahe gila dil ka

adā se dekh lo jaatā rahe gila dil kā

bas ik nigāh pe Therā hai faisla dil kā

vo zulm karte haiñ mujh par to log kahte haiñ

ḳhudā bure se na Daale mo.āmla dil kā

phirā jo kūcha-e-kākul se koī pūchheñge

sunā hai luT gayā raste meñ qāfila dil kā

hazār fasl-e-gul aa.e junūñ vo josh kahāñ

gayā shabāb ke hamrāh valvala dil kā

bahār aate hī kunj-e-qafas nasīb huā

hazār haif ki niklā na hausla dil kā

ilāhī ḳhair ho kuchh aaj rañg be-Dhab hai

tapak rahā hai ka.ī din se aabla dil kā

ḳhudā ke haath hai ab apnā ai 'qalaq' insāf

butoñ se hashr meñ hogā muqābla dil kā

ada se dekh lo jata rahe gila dil ka

bas ek nigah pe Thera hai faisla dil ka

wo zulm karte hain mujh par to log kahte hain

KHuda bure se na Dale moamla dil ka

phira jo kucha-e-kakul se koi puchhenge

suna hai luT gaya raste mein qafila dil ka

hazar fasl-e-gul aae junun wo josh kahan

gaya shabab ke hamrah walwala dil ka

bahaar aate hi kunj-e-qafas nasib hua

hazar haif ki nikla na hausla dil ka

ilahi KHair ho kuchh aaj rang be-Dhab hai

tapak raha hai kai din se aabla dil ka

KHuda ke hath hai ab apna ai 'qalaq' insaf

buton se hashr mein hoga muqabla dil ka