ada-shanas tera be-zaban nahin hota

adā-shanās tirā be-zabāñ nahīñ hotā

kahe vo kis se koī nukta-dāñ nahīñ hotā

sab ek rañg meñ haiñ mai-kade ke ḳhurd o kalāñ

yahāñ tafāvut-e-pīr-o-javāñ nahīñ hotā

qimār-e-ishq meñ sab kuchh gañvā diyā maiñ ne

umīd-e-nafa.a meñ ḳhauf-e-ziyāñ nahīñ hotā

sahm rahā huuñ maiñ ai ahl-e-qabr batlā do

zamīñ tale to koī āsmāñ nahīñ hotā

vo mohtasib ho ki vaa.iz vo falsafī ho ki shaiḳh

kisī se band tirā rāz-dāñ nahīñ hotā

vo sab ke sāmne is sādgī se baiThe haiñ

ki dil churāne kā un par gumāñ nahīñ hotā

jo aap chāheñ ki le leñ kisī kā muft meñ dil

to ye muāmlā yuuñ mehrbāñ nahīñ hotā

jahāñ fareb ho 'majzūb' ye tirī sūrat

butoñ ke ishq kā tujh par gumāñ nahīñ hotā

ada-shanas tera be-zaban nahin hota

kahe wo kis se koi nukta-dan nahin hota

sab ek rang mein hain mai-kade ke KHurd o kalan

yahan tafawut-e-pir-o-jawan nahin hota

qimar-e-ishq mein sab kuchh ganwa diya main ne

umid-e-nafa mein KHauf-e-ziyan nahin hota

sahm raha hun main ai ahl-e-qabr batla do

zamin tale to koi aasman nahin hota

wo mohtasib ho ki waiz wo falsafi ho ki shaiKH

kisi se band tera raaz-dan nahin hota

wo sab ke samne is sadgi se baiThe hain

ki dil churane ka un par guman nahin hota

jo aap chahen ki le len kisi ka muft mein dil

to ye muamla yun mehrban nahin hota

jahan fareb ho 'majzub' ye teri surat

buton ke ishq ka tujh par guman nahin hota