agar dila gham-e-gesu-e-ya baDh jata

agar dilā ġham-e-gesū-e-yā baḌh jaatā

shab-e-firāq meñ aur intishār baḌh jaatā

jo shauq-e-jumbish-e-mizhgān-e-yār baḌh jaatā

tirā mazā ḳhalish-e-nok-e-ḳhār baḌh jaatā

jo merī chashm ke parde sharīk ho jaate

kamāl-e-dāman-e-abr-e-bahār baḌh jaatā

vatan meñ ham na hue ḳhaak shukr kī jā hai

ġhubār-e-ḳhātir-e-ahl-e-dayār baḌh jaatā

dikhā.ī kyuuñ na mujhe aa ke garmī-e-raftār

balā se aap kī merā buḳhār baḌh jaatā

agar dila gham-e-gesu-e-ya baDh jata

shab-e-firaq mein aur intishaar baDh jata

jo shauq-e-jumbish-e-mizhgan-e-yar baDh jata

tera maza KHalish-e-nok-e-KHar baDh jata

jo meri chashm ke parde sharik ho jate

kamal-e-daman-e-abr-e-bahaar baDh jata

watan mein hum na hue KHak shukr ki ja hai

ghubar-e-KHatir-e-ahl-e-dayar baDh jata

dikhai kyun na mujhe aa ke garmi-e-raftar

bala se aap ki mera buKHar baDh jata