agar hai zindagi ek jashn to na-mehrban kyon hai

agar hai zindagī ik jashn to nā-mehrbāñ kyoñ hai

fasurda rañg meñ Duubī huī har dāstāñ kyoñ hai

tumheñ ham se mohabbat hai hameñ tum se mohabbat hai

anā kā dā.era phir bhī hamāre darmiyāñ kyoñ hai

vahī sab kuchh razā us kī to phir dil meñ gumāñ kyoñ hai

savāloñ aur javāboñ se pareshāñ merī jaañ kyoñ hai

har ik manzar ke pas-manzar meñ terā hī karishma hai

yaqīnan ḳhāliq-e-kun tū to āñkhoñ se nihāñ kyoñ hai

tujhī ko hai mayassar har burā.ī kā daman karnā

to nā-insāfiyoñ ke daur meñ tū be-zabāñ kyoñ hai

agar hai zindagi ek jashn to na-mehrban kyon hai

fasurda rang mein Dubi hui har dastan kyon hai

tumhein hum se mohabbat hai hamein tum se mohabbat hai

ana ka daera phir bhi hamare darmiyan kyon hai

wahi sab kuchh raza us ki to phir dil mein guman kyon hai

sawalon aur jawabon se pareshan meri jaan kyon hai

har ek manzar ke pas-manzar mein tera hi karishma hai

yaqinan KHaliq-e-kun tu to aankhon se nihan kyon hai

tujhi ko hai mayassar har burai ka daman karna

to na-insafiyon ke daur mein tu be-zaban kyon hai