agar main sach kahun to sabr hi ki aazmaish hai
agar maiñ sach kahūñ to sabr hī kī āzmā.ish hai
ye miTTī imtihāñ pyāre ye paanī āzmā.ish hai
nikal kar ḳhud se bāhar bhāgne se ḳhud meñ aane tak
farār āḳhir hai ye kaisā ye kaisī āzmā.ish hai
talāsh-e-zāt meñ ham ko kisī bāzār-e-hastī meñ
tirā milnā tirā khonā alag hī āzmā.ish hai
nabūd o buud ke phaile hue is kār-ḳhāne meñ
uchhaltī kūdtī duniyā hamārī āzmā.ish hai
mire dil ke darīche se uchak kar jhāñktī bāhar
gulābī eḌiyoñ vaalī anokhī āzmā.ish hai
ye tū jo ḳhud pe nāfiz ho gayā hai shaam kī sūrat
to jaanī shaam kī kab hai ye terī āzmā.ish hai
diye ke aur havāoñ ke marāsim khul nahīñ paate
nahīñ khultā ki in meñ se ye kis kī āzmā.ish hai
agar main sach kahun to sabr hi ki aazmaish hai
ye miTTi imtihan pyare ye pani aazmaish hai
nikal kar KHud se bahar bhagne se KHud mein aane tak
farar aaKHir hai ye kaisa ye kaisi aazmaish hai
talash-e-zat mein hum ko kisi bazar-e-hasti mein
tera milna tera khona alag hi aazmaish hai
nabud o bud ke phaile hue is kar-KHane mein
uchhalti kudti duniya hamari aazmaish hai
mere dil ke dariche se uchak kar jhankti bahar
gulabi eDiyon wali anokhi aazmaish hai
ye tu jo KHud pe nafiz ho gaya hai sham ki surat
to jaani sham ki kab hai ye teri aazmaish hai
diye ke aur hawaon ke marasim khul nahin pate
nahin khulta ki in mein se ye kis ki aazmaish hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
