agar na manen na samho ki jaante hi nahin

agar na māneñ na samho ki jānte hī nahīñ

zidoñ kī baat bhī hai kuchh muġhālate hī nahīñ

mutālibāt-e-mohabbat haiñ maiñ huuñ aur tum ho

ajiib hai ye musallas ki zāviye hī nahīñ

mire junūñ ke bharose pe kah diyā us ne

ham aa.e aap ke ghar par to aap the hī nahīñ

bayāz-e-dil kī kareñ to kareñ kahāñ islāh

kitābat aisī huī hai ki hāshiye hī nahīñ

isī muhīt meñ vāpas palaT ke aanā thā

to ban ke abr kabhī jā se ham uThe hī nahīñ

ujaaḌ ho gayā sahrā-e-dil ki jaise yahāñ

ġhazāl o zaiġham o kargas kabhī rahe hī nahīñ

ab is maqām pe bīm-o-rajā haiñ be-ma.anī

ki chāhte haiñ use jis ko chāhte hī nahīñ

yahī hai rāsta ab dūriyāñ baḌhā.eñge

baḌhīñ ham us kī taraf kaise fāsle hī nahīñ

koī fareb ki ham jis se dil ko bahlā.eñ

talāsh karte haiñ ḳhat us ne jo likhe hī nahīñ

agar na manen na samho ki jaante hi nahin

zidon ki baat bhi hai kuchh mughaalate hi nahin

mutalibaat-e-mohabbat hain main hun aur tum ho

ajib hai ye musallas ki zawiye hi nahin

mere junun ke bharose pe kah diya us ne

hum aae aap ke ghar par to aap the hi nahin

bayaz-e-dil ki karen to karen kahan islah

kitabat aisi hui hai ki hashiye hi nahin

isi muhit mein wapas palaT ke aana tha

to ban ke abr kabhi ja se hum uThe hi nahin

ujaD ho gaya sahra-e-dil ki jaise yahan

ghazal o zaigham o kargas kabhi rahe hi nahin

ab is maqam pe bim-o-raja hain be-mani

ki chahte hain use jis ko chahte hi nahin

yahi hai rasta ab duriyan baDhaenge

baDhin hum us ki taraf kaise fasle hi nahin

koi fareb ki hum jis se dil ko bahlaen

talash karte hain KHat us ne jo likhe hi nahin