agar qafas mein nasim-e-bahaar aa jae

agar qafas meñ nasīm-e-bahār aa jaa.e

to be-qarār ko shāyad qarār aa jaa.e

bhulā rahā huuñ maiñ gulshan kī nuz.hat-e-māzī

kahīñ qafas meñ na phir se bahār aa jaa.e

fareb-e-va.ada-e-rangīñ yūñhī rahe qaa.em

ḳhudā kare ki mujhe e.atibār aa jaa.e

usī ko apnī mohabbat kā samjheñ ham hāsil

jo dil ko raas ġham-e-intizār aa jaa.e

dil-e-sitam-zada 'sāqib' hai ḳhūgar-e-āzār

maiñ chāhtā nahīñ is ko qarār aa jaa.e

agar qafas mein nasim-e-bahaar aa jae

to be-qarar ko shayad qarar aa jae

bhula raha hun main gulshan ki nuzhat-e-mazi

kahin qafas mein na phir se bahaar aa jae

fareb-e-wada-e-rangin yunhi rahe qaem

KHuda kare ki mujhe eatibar aa jae

usi ko apni mohabbat ka samjhen hum hasil

jo dil ko ras gham-e-intizar aa jae

dil-e-sitam-zada 'saqib' hai KHugar-e-azar

main chahta nahin is ko qarar aa jae