agar wo hadisa phir se hua to

agar vo hādisa phir se huā to

maiñ tere ishq meñ phir paḌ gayā to

ki us kā rūThnā bhī lāzmī hai

manā lūñgā agar hogā ḳhafā to

mirī uljhan sulajhtī jā rahī hai

dikhāyā hai tumhī ne rāsta to

yaqīnan rāz-e-dil maiñ khol dūñgā

diyā apnā jo us ne vāsta to

chalo kuchh der ro leñ saath mil kar

koī lamha ḳhushī kā mil gayā to

tujhe mahfūz kar luuñ zehn-o-dil meñ

milā hai tū kahīñ phir kho gayā to

nayā rishta nibhāne kī talab meñ

agar TuuTā purānā rābta to

kaleje se lagā kar rakhte ham bhī

hameñ vo raaz apne sauñptā to

'nazar' tum zindagī samjhe ho jis ko

faqat paanī kā ho vo bulbula to

agar wo hadisa phir se hua to

main tere ishq mein phir paD gaya to

ki us ka ruThna bhi lazmi hai

mana lunga agar hoga KHafa to

meri uljhan sulajhti ja rahi hai

dikhaya hai tumhi ne rasta to

yaqinan raaz-e-dil main khol dunga

diya apna jo us ne wasta to

chalo kuchh der ro len sath mil kar

koi lamha KHushi ka mil gaya to

tujhe mahfuz kar lun zehn-o-dil mein

mila hai tu kahin phir kho gaya to

naya rishta nibhane ki talab mein

agar TuTa purana rabta to

kaleje se laga kar rakhte hum bhi

hamein wo raaz apne saunpta to

'nazar' tum zindagi samjhe ho jis ko

faqat pani ka ho wo bulbula to