agarche haal o hawadis ki hukmarani hai
agarche haal o havādis kī hukmarānī hai
har ek shaḳhs kī apnī bhī ik kahānī hai
maiñ aaj kal ke tasavvur se shād-kām to huuñ
ye aur baat ki do pal kī zindagānī hai
nishān raah ke dekhe to ye ḳhayāl aayā
mirā qadam bhī kisī ke liye nishānī hai
ḳhizāñ nahīñ hai ba-juz ik taraddud-e-bejā
chaman khilāo agar zauq-e-bāġhbānī hai
kabhī na haal huā merā tere hasb-e-mizāj
na samjhā tū ki yahī terī bad-gumānī hai
na samjhe ashk-fishānī ko koī māyūsī
hai dil meñ aag agar aañkh meñ bhī paanī hai
milā to un kā milā saath ham ko ai 'āmir'
na dauḌnā hai jinheñ aur na choT khānī hai
agarche haal o hawadis ki hukmarani hai
har ek shaKHs ki apni bhi ek kahani hai
main aaj kal ke tasawwur se shad-kaam to hun
ye aur baat ki do pal ki zindagani hai
nishan rah ke dekhe to ye KHayal aaya
mera qadam bhi kisi ke liye nishani hai
KHizan nahin hai ba-juz ek taraddud-e-beja
chaman khilao agar zauq-e-baghbani hai
kabhi na haal hua mera tere hasb-e-mizaj
na samjha tu ki yahi teri bad-gumani hai
na samjhe ashk-fishani ko koi mayusi
hai dil mein aag agar aankh mein bhi pani hai
mila to un ka mila sath hum ko ai 'amir'
na dauDna hai jinhen aur na choT khani hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
