agarche paar kāġhaz kī kabhī kashtī nahīñ jaatī
magar apnī ye majbūrī ki ḳhush-fahmī nahīñ jaatī
ḳhudā jaane girebāñ kis ke haiñ aur haath kis ke haiñ
añdhere meñ kisī kī shakl pahchānī nahīñ jaatī
mirī ḳhvāhish hai duniyā ko bhī apne saath le aa.uuñ
bulandī kī taraf lekin kabhī pastī nahīñ jaatī
ḳhayāloñ meñ hamesha us ġhazal ko gungunātā huuñ
ki jo kāġhaz ke chehre par kabhī likkhī nahīñ jaatī
vahī raste vahī raunaq vahī haiñ aam se chehre
'naved' āñkhoñ kī lekin phir bhī hairānī nahīñ jaatī
agarche par kaghaz ki kabhi kashti nahin jati
magar apni ye majburi ki KHush-fahmi nahin jati
KHuda jaane gireban kis ke hain aur hath kis ke hain
andhere mein kisi ki shakl pahchani nahin jati
meri KHwahish hai duniya ko bhi apne sath le aaun
bulandi ki taraf lekin kabhi pasti nahin jati
KHayalon mein hamesha us ghazal ko gungunata hun
ki jo kaghaz ke chehre par kabhi likkhi nahin jati
wahi raste wahi raunaq wahi hain aam se chehre
'nawed' aankhon ki lekin phir bhi hairani nahin jati
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
