aghyar chhoD mujh sen agar yar howega

aġhyār chhoḌ mujh señ agar yaar hovegā

shāyad ki yaar mahram-e-asrār hovegā

būjhegā qadr mujh dil-e-āshufta-hāl kī

phāñde meñ zulf ke jo giraftār hovegā

be-fikr maiñ nahīñ ki sanam mast-e-ḳhvāb hai

kyā kyā balā karegā jo bedār hovegā

pinhāñ rakhā huuñ dard kuuñ lohū kī ghūñT pī

kahtā nahīñ kisī señ ki iz.hār hovegā

bazm-e-junūñ meñ sāġhar-e-vahshat piyā jo kui

ġhaflat señ aql-o-hosh kī hushiyār hovegā

terī bhañvoñ kī teġh ke paanī kuuñ dekh dil

aTkā hai is sabab ki nadī paar hovegā

rañgīñ na kar tuuñ dil kā mahal naqsh-e-aish señ

ġham ke tabar señ maar ki mismār hovegā

barjā hai yaar mujh pe agar mehrbān hai

bulbul pe gul baġhair kise pyaar hovegā

jaatā nahīñ hai yaar kī shamshīr kā ḳhayāl

ma.alūm yuuñ huā ki gale haar hovegā

inkār mujh kuuñ niiñ hai tirī bandagī satī

yaañ kyā hai balki hashr meñ iqrār hovegā

mujh paas phir kar aave agar vo kitāb-rū

maktab meñ dil ke dars kā takrār hovegā

sehn-e-chaman meñ dekh tere qad kī rāstī

har sard tujh salām kuuñ ḳhamdār hovegā

us chashm-e-nīm-ḳhvāb kī dekhe agar bahār

nargis chaman meñ taḳhta-e-dīvār hovegā

us zulf-e-ambarīñ señ jo yak taar jhaḌ paḌe

har ḳhūb-rū kuuñ turra-e-dastār hovegā

ai jaan mere paas señ yak-dam judā na ho

jiinā tire firāq meñ dushvār hovegā

rakhtā hai garche aa.ina faulād kā jigar

tīr-e-nigah ke sāmne lāchār hovegā

mat ho shab-e-firāq meñ be-tāb ai 'sirāj'

ummīd hai ki sub.h kuuñ dīdār hovegā

aghyar chhoD mujh sen agar yar howega

shayad ki yar mahram-e-asrar howega

bujhega qadr mujh dil-e-ashufta-haal ki

phande mein zulf ke jo giraftar howega

be-fikr main nahin ki sanam mast-e-KHwab hai

kya kya bala karega jo bedar howega

pinhan rakha hun dard kun lohu ki ghunT pi

kahta nahin kisi sen ki izhaar howega

bazm-e-junun mein saghar-e-wahshat piya jo kui

ghaflat sen aql-o-hosh ki hushiyar howega

teri bhanwon ki tegh ke pani kun dekh dil

aTka hai is sabab ki nadi par howega

rangin na kar tun dil ka mahal naqsh-e-aish sen

gham ke tabar sen mar ki mismar howega

barja hai yar mujh pe agar mehrban hai

bulbul pe gul baghair kise pyar howega

jata nahin hai yar ki shamshir ka KHayal

malum yun hua ki gale haar howega

inkar mujh kun nin hai teri bandagi sati

yan kya hai balki hashr mein iqrar howega

mujh pas phir kar aawe agar wo kitab-ru

maktab mein dil ke dars ka takrar howega

sehn-e-chaman mein dekh tere qad ki rasti

har sard tujh salam kun KHamdar howega

us chashm-e-nim-KHwab ki dekhe agar bahaar

nargis chaman mein taKHta-e-diwar howega

us zulf-e-ambarin sen jo yak tar jhaD paDe

har KHub-ru kun turra-e-dastar howega

ai jaan mere pas sen yak-dam juda na ho

jina tere firaq mein dushwar howega

rakhta hai garche aaina faulad ka jigar

tir-e-nigah ke samne lachaar howega

mat ho shab-e-firaq mein be-tab ai 'siraj'

ummid hai ki subh kun didar howega