ahd-e-kam-koshi mein ye bhi hausla maine kiya

ahd-e-kam-koshī meñ ye bhī hausla maiñ ne kiyā

shahr ke sab band darvāzoñ ko vā maiñ ne kiyā

maiñ ne saf-ārā kiyā ik majma-e-shorīda-sar

kaj-kulāh-e-shahr ko be-mājrā maiñ ne kiyā

de diye mahrūmiyoñ ke haath meñ jām-o-subū

mai-kade meñ ek hañgāma bapā maiñ ne kiyā

maiñ adālat meñ uThā laayā huuñ ḳhud apnī salīb

mere munsif dekh ye bhī faisla maiñ ne kiyā

maiñ ne majnūñ ko diyā dars-e-sulūk-e-āshiqī

chāk-dāmāñ ko mohabbat kī jazā maiñ ne kiyā

maiñ ne aivānoñ meñ pheñke sañg-e-jur.at-āfrīñ

nashsha-e-tāqat-asar ko be-mazā maiñ ne kiyā

is se baḌh kar aur kyā hogā subūb-e-bandagī

mujh se 'tishna' us ne jo kuchh bhī kahā maiñ ne kiyā

ahd-e-kam-koshi mein ye bhi hausla main ne kiya

shahr ke sab band darwazon ko wa main ne kiya

main ne saf-ara kiya ek majma-e-shorida-sar

kaj-kulah-e-shahr ko be-majra main ne kiya

de diye mahrumiyon ke hath mein jam-o-subu

mai-kade mein ek hangama bapa main ne kiya

main adalat mein uTha laya hun KHud apni salib

mere munsif dekh ye bhi faisla main ne kiya

main ne majnun ko diya dars-e-suluk-e-ashiqi

chaak-daman ko mohabbat ki jaza main ne kiya

main ne aiwanon mein phenke sang-e-jurat-afrin

nashsha-e-taqat-asar ko be-maza main ne kiya

is se baDh kar aur kya hoga subub-e-bandagi

mujh se 'tishna' us ne jo kuchh bhi kaha main ne kiya