ahd hazir mein ayar-e-subh to badla magar

ahd hāzir meñ ayār-e-sub.h to badlā magar

ai añdherī raat tujh ko bhī badalnā chāhiye

bāvajūd-e-ġham musalsal qahqahe ai nā-murād

kārvān-e-zindagī ke saath chalnā chāhiye

shān-e-rindāna kī hai tauhīn az-ḳhud-raftagī

sahl hai piinā magar pī kar sambhalnā chāhiye

zindagī vo kyā jo hai nā-vāqif-e-āshob-e-ishq

sīna-e-ādam meñ tūfānoñ ko palnā chāhiye

iqtizā-e-asr-e-nau hai zindagī to darkinār

maut ko bhī husn ke sāñche meñ Dhalnā chāhiye

ai junūñ kuchh der shaġhl-e-ḳhāk-bāzī hī sahī

dil to is sahrā-e-hastī meñ bahalnā chāhiye

ahd hazir mein ayar-e-subh to badla magar

ai andheri raat tujh ko bhi badalna chahiye

bawajud-e-gham musalsal qahqahe ai na-murad

karwan-e-zindagi ke sath chalna chahiye

shan-e-rindana ki hai tauhin az-KHud-raftagi

sahl hai pina magar pi kar sambhalna chahiye

zindagi wo kya jo hai na-waqif-e-ashob-e-ishq

sina-e-adam mein tufanon ko palna chahiye

iqtiza-e-asr-e-nau hai zindagi to darkinar

maut ko bhi husn ke sanche mein Dhalna chahiye

ai junun kuchh der shaghl-e-KHak-bazi hi sahi

dil to is sahra-e-hasti mein bahalna chahiye