ahrman hai na KHuda hai mera dil

ahrman hai na ḳhudā hai mirā dil

hujra-e-haft-balā hai mirā dil

mahbat-e-rūh-e-azal merā dimāġh

aur āseb-zada hai mirā dil

sar jhukā kar mire siine se suno

kitnī sadiyoñ kī sadā hai mirā dil

ajnabī-zād huuñ is shahr meñ maiñ

ajnabī mujh se sivā hai mirā dil

aao qasd-e-safar-e-najd kareñ

raah hai rāh-numā hai mirā dil

chand benām-o-nishāñ qabroñ kā

maiñ azā-dār huuñ yā hai mirā dil

na taqāzā hai kisī se na talab

mudda.ā hai na duā hai mirā dil

raakh ban ban ke uḌī hai mirī ruuh

ḳhuun ho ho ke bahā hai mirā dil

pahle maiñ dil pe ḳhafā hotā thā

aur ab mujh se ḳhafā hai mirā dal

ahrman hai na KHuda hai mera dil

hujra-e-haft-bala hai mera dil

mahbat-e-ruh-e-azal mera dimagh

aur aaseb-zada hai mera dil

sar jhuka kar mere sine se suno

kitni sadiyon ki sada hai mera dil

ajnabi-zad hun is shahr mein main

ajnabi mujh se siwa hai mera dil

aao qasd-e-safar-e-najd karen

rah hai rah-numa hai mera dil

chand benam-o-nishan qabron ka

main aza-dar hun ya hai mera dil

na taqaza hai kisi se na talab

muddaa hai na dua hai mera dil

rakh ban ban ke uDi hai meri ruh

KHun ho ho ke baha hai mera dil

pahle main dil pe KHafa hota tha

aur ab mujh se KHafa hai mera dal