ai abr-e-iltifat tera etibar phir

ai abr-e-iltifāt tirā e'tibār phir

āñkhoñ meñ phir vo pyaas vahī intizār phir

rakhkhūñ kahāñ pe paañv baḌhā.ūñ kidhar qadam

raḳhsh-e-ḳhayāl aaj hai be-iḳhtiyār phir

dast-e-junūñ-o-panja-e-vahshat chihār-samt

be-barg-o-bār hone lagī hai bahār phir

paspā.iyoñ ne gaaḌ diye daañt pusht par

yuuñ dāman-e-ġhurūr huā taar taar phir

nishtar tirī zabāñ hī nahīñ ḳhāmshī bhī hai

kuchh rah-guzār-e-rabt huī ḳhār-zār phir

mujh meñ koī savāl tire mā-sivā nahīñ

mujh meñ yahī savāl huā ek baar phir

ai abr-e-iltifat tera e'tibar phir

aankhon mein phir wo pyas wahi intizar phir

rakhkhun kahan pe panw baDhaun kidhar qadam

raKHsh-e-KHayal aaj hai be-iKHtiyar phir

dast-e-junun-o-panja-e-wahshat chihaar-samt

be-barg-o-bar hone lagi hai bahaar phir

paspaiyon ne gaD diye dant pusht par

yun daman-e-ghurur hua tar tar phir

nishtar teri zaban hi nahin KHamshi bhi hai

kuchh rah-guzar-e-rabt hui KHar-zar phir

mujh mein koi sawal tere ma-siwa nahin

mujh mein yahi sawal hua ek bar phir