ai ahl-e-wafa KHak bane kaam tumhaara
ai ahl-e-wafa KHak bane kaam tumhaara
Wahshat Raza Ali Kalkatvi
MORE BYWahshat Raza Ali Kalkatvi
ai ahl-e-vafā ḳhaak bane kaam tumhārā
āġhāz batā detā hai anjām tumhārā
jaate ho kahāñ ishq ke bedād-kahso tum
us anjuman-e-nāz meñ kyā kaam tumhārā
ai diida o dil kuchh to karo zabt o tahammul
labrez mai-e-shauq se hai jaam tumhārā
ai kaash mire qatl hī kā muzhda vo hotā
aatā kisī sūrat se to paiġhām tumhārā
'vahshat' ho mubārak tumheñ badmastī o rindī
juz ishq-e-butāñ aur hai kyā kaam tumhārā
ai ahl-e-wafa KHak bane kaam tumhaara
aaghaz bata deta hai anjam tumhaara
jate ho kahan ishq ke bedad-kahso tum
us anjuman-e-naz mein kya kaam tumhaara
ai dida o dil kuchh to karo zabt o tahammul
labrez mai-e-shauq se hai jam tumhaara
ai kash mere qatl hi ka muzhda wo hota
aata kisi surat se to paigham tumhaara
'wahshat' ho mubarak tumhein badmasti o rindi
juz ishq-e-butan aur hai kya kaam tumhaara
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
