ai dida KHanuman tu hamara Dubo saka
ai diida ḳhānumāñ tū hamārā Dubo sakā
lekin ġhubār yaar ke dil se na dho sakā
tujh husn ne diyā na kabhū mufsidī ko chain
fitna na tere daur meñ phir niiñd so sakā
jo sham.a-tan huā shab-e-hijrāñ meñ sarf-e-ashk
par jis qadar maiñ chāhe thā utnā na ro sakā
'saudā' qimār-e-ishq meñ shīrīñ se kohkan
baazī agarche pā na sakā sar to kho sakā
kis muñh se phir tū aap ko kahtā hai ishq-bāz
ai rū-siyāh tujh se to ye bhī na ho sakā
ai dida KHanuman tu hamara Dubo saka
lekin ghubar yar ke dil se na dho saka
tujh husn ne diya na kabhu mufsidi ko chain
fitna na tere daur mein phir nind so saka
jo shama-tan hua shab-e-hijran mein sarf-e-ashk
par jis qadar main chahe tha utna na ro saka
'sauda' qimar-e-ishq mein shirin se kohkan
bazi agarche pa na saka sar to kho saka
kis munh se phir tu aap ko kahta hai ishq-baz
ai ru-siyah tujh se to ye bhi na ho saka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
