ai dil ab ishq ki lai-goi aur chaugan mein aa

ai dil ab ishq kī lai-goī aur chaugān meñ aa

be-ḳhatar Thok ke ḳham jañg ke sāmān meñ aa

ḳhauf ġhammāz raqīboñ kā na kar kuchh hargiz

ho ke raazī ba-razā vaqt hai maidān meñ aa

fursat is vaqt ġhanīmat hai nikal zulmat se

suljh kar zulf se ruḳhsār-e-daraḳhshān meñ aa

gul-e-ruḳhsāra kā nazzāra tū kar āñkheñ khol

añgbīñ chakhne ko phir dil lab-e-ḳhandān meñ aa

ba.ad us ke jo agar samjhe munāsib ai dil

qaid hone ke ta.iiñ chāh-e-zanaḳhdān meñ aa

harzā phirne se tire gosha-nashīnī behtar

vahm-o-shak aur gumāñ chhoḌ ke īqān meñ aa

vasl-o-hijrat ke ta.iiñ ek samajh 'afrīdī'

aql hai kuchh bhī agar sohbat-e-rindān meñ aa

ai dil ab ishq ki lai-goi aur chaugan mein aa

be-KHatar Thok ke KHam jang ke saman mein aa

KHauf ghammaz raqibon ka na kar kuchh hargiz

ho ke raazi ba-raza waqt hai maidan mein aa

fursat is waqt ghanimat hai nikal zulmat se

suljh kar zulf se ruKHsar-e-daraKHshan mein aa

gul-e-ruKHsara ka nazzara tu kar aankhen khol

angbin chakhne ko phir dil lab-e-KHandan mein aa

baad us ke jo agar samjhe munasib ai dil

qaid hone ke tain chah-e-zanaKHdan mein aa

harza phirne se tere gosha-nashini behtar

wahm-o-shak aur guman chhoD ke iqan mein aa

wasl-o-hijrat ke tain ek samajh 'afridi'

aql hai kuchh bhi agar sohbat-e-rindan mein aa