ai dil na sun afsana kisi shoKH hasin ka

ai dil na sun afsāna kisī shoḳh hasīñ kā

nā-āqibat-andesh rahegā na kahīñ kā

duniyā kā rahā hai dil-e-nākām na diiñ kā

is ishq-e-bad-anjām ne rakkhā na kahīñ kā

haiñ taak meñ ik shoḳh kī duz-dīda nigāheñ

allāh nigahbān hai ab jān-e-hazīñ kā

hālat dil-e-betāb kī dekhī nahīñ jaatī

behtar hai ki ho jaa.e ye paivand zamīñ kā

go qadr vahāñ ḳhaak bhī hotī nahīñ merī

har vaqt tasavvur hai magar dil meñ vahīñ kā

har āshiq-e-jāñ-bāz ko Dar ai sitam-ārā

talvār se baḌh kar hai tirī chīn-e-jabīñ kā

kuchh saḳhti-e-duniyā kā mujhe ġham nahīñ 'ahsan'

khaTkā hai magar dil ko dam-e-bāz-pasīñ kā

ai dil na sun afsana kisi shoKH hasin ka

na-aqibat-andesh rahega na kahin ka

duniya ka raha hai dil-e-nakaam na din ka

is ishq-e-bad-anjam ne rakkha na kahin ka

hain tak mein ek shoKH ki duz-dida nigahen

allah nigahban hai ab jaan-e-hazin ka

haalat dil-e-betab ki dekhi nahin jati

behtar hai ki ho jae ye paiwand zamin ka

go qadr wahan KHak bhi hoti nahin meri

har waqt tasawwur hai magar dil mein wahin ka

har aashiq-e-jaan-baz ko Dar ai sitam-ara

talwar se baDh kar hai teri chin-e-jabin ka

kuchh saKHti-e-duniya ka mujhe gham nahin 'ahsan'

khaTka hai magar dil ko dam-e-baz-pasin ka