ai dil sharik-e-taifa-e-wajd-o-haal ho

ai dil sharīk-e-tā.ifa-e-vajd-o-hāl ho

pyāre ye 'aib hai to ba-hadd-e-kamāl ho

'shiblī'-o-'bāyazīd'-o-'gurūnanak'-o-'kabīr'

hañgāma-e-jalāl meñ raqs-e-jamāl ho

sab kī zabāñ pe mast-kalandar ho dam-ba-dam

phir us ke baa'd raat meñ DaT kar dhamāl ho

phir ham-safar kareñ taraf-e-lā-jehat

ne sharq-o-ġharb ho na junūb-o-shumāl ho

āsāñ rujū-e-shams hai lekin tire malang

pahuñcheñ vahāñ jahāñ se palaTnā muhāl ho

ik kā.enāt-e-ḳhvāb ba-sad mumkināt-e-ḳhvāb

nairañgī-e-ḳhayāl ba-husn-e-ḳhayāl ho

sarshār-o-sarbuland-o-siyah-mast-o-sarfarosh

māhaul apne haal meñ gum ho vo haal ho

giitā kā tazkira ho to gautam se guftugū

aur ved kī zabāñ meñ javāb-o-savāl ho

ai ḳhizr-e-vaqt majlis-e-aqtāb-e-vaqt meñ

zikr-e-mo.āmla ho na fikr-e-ma.āl ho

ham yuuñ ravāñ hoñ rāh-e-abad meñ ki sadd-e-rāh

mustaqil-e-vajūd na māzī-o-hāl ho

kyā kyā tasavvurāt haiñ kyā kyā taḳhayyulāt

aisā na ho ki ye bhī tilism-e-ḳhayāl ho

sab kuchh hai gar tilism-e-ḳhayāl-o-fusūñ to phir

ai dil sharīk-e-tā.ifa-e-vajd-o-hāl ho

ai dil sharik-e-taifa-e-wajd-o-haal ho

pyare ye 'aib hai to ba-hadd-e-kamal ho

'shibli'-o-'bayazid'-o-'gurunanak'-o-'kabir'

hangama-e-jalal mein raqs-e-jamal ho

sab ki zaban pe mast-kalandar ho dam-ba-dam

phir us ke ba'd raat mein DaT kar dhamal ho

phir ham-safar karen taraf-e-la-jehat

ne sharq-o-gharb ho na junub-o-shumal ho

aasan ruju-e-shams hai lekin tere malang

pahunchen wahan jahan se palaTna muhaal ho

ek kaenat-e-KHwab ba-sad mumkinat-e-KHwab

nairangi-e-KHayal ba-husn-e-KHayal ho

sarshaar-o-sarbuland-o-siyah-mast-o-sarfarosh

mahaul apne haal mein gum ho wo haal ho

gita ka tazkira ho to gautam se guftugu

aur wed ki zaban mein jawab-o-sawal ho

ai KHizr-e-waqt majlis-e-aqtab-e-waqt mein

zikr-e-moamla ho na fikr-e-maal ho

hum yun rawan hon rah-e-abad mein ki sadd-e-rah

mustaqil-e-wajud na mazi-o-haal ho

kya kya tasawwuraat hain kya kya taKHayyulat

aisa na ho ki ye bhi tilism-e-KHayal ho

sab kuchh hai gar tilism-e-KHayal-o-fusun to phir

ai dil sharik-e-taifa-e-wajd-o-haal ho