ai dil us zulf ki rakhiyo na tamanna baqi
ai dil us zulf kī rakhiyo na tamannā baaqī
hashr tak varna rahegī shab-e-yaldā baaqī
tire hañgāma se ḳhush huuñ magar ai josh-e-junūñ
kuchh qayāmat ke liye bhī rahe ġhauġhā baaqī
aap ko bech chukā huuñ tire ġham ke hāthoñ
hai magar ishq kā tere abhī saudā baaqī
ġham-e-hijrāñ meñ ga.ī jaan chalo ḳhuub huā
dostoñ ko na rahe fikr-e-mudāvā baaqī
jaan siine se nikalne ko hai dil pahlū se
hai faqat us nigah-e-nāz kā iimā baaqī
ḳhāk-e-āshiq se ugātā hai muġhīlāñ kā daraḳht
us kī mizhgāñ kā hai marqad meñ bhī khaTkā baaqī
ai dil us zulf ki rakhiyo na tamanna baqi
hashr tak warna rahegi shab-e-yalda baqi
tere hangama se KHush hun magar ai josh-e-junun
kuchh qayamat ke liye bhi rahe ghaugha baqi
aap ko bech chuka hun tere gham ke hathon
hai magar ishq ka tere abhi sauda baqi
gham-e-hijran mein gai jaan chalo KHub hua
doston ko na rahe fikr-e-mudawa baqi
jaan sine se nikalne ko hai dil pahlu se
hai faqat us nigah-e-naz ka ima baqi
KHak-e-ashiq se ugata hai mughilan ka daraKHt
us ki mizhgan ka hai marqad mein bhi khaTka baqi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
