ai duniya tere raste se haT jaenge

ai duniyā tere raste se haT jā.eñge

āḳhir ham bhī apne sāmne DaT jā.eñge

ham ḳhud ko ābād kareñge apne dil meñ

tere āñkh-jazīre se ab kaT jā.eñge

dhund se paar bhī kaam kareñgī apnī nazreñ

aañkh ke sāmne se ye bādal chhaT jā.eñge

āḳhir Dhal jā.egā ''jīvan-rog'' kā sūraj

ham bhī ''okhe-din'' haiñ lekin kaT jā.eñge

log hameñ mahsūs kareñge phuul aur taare

aur ham sochtī ''dil-āñkhoñ'' meñ baT jā.eñge

dekhnā aisī raat bhī aa.egī jab 'aḳhtar'

dhīre dhīre ham tāroñ se aT jā.eñge

ai duniya tere raste se haT jaenge

aaKHir hum bhi apne samne DaT jaenge

hum KHud ko aabaad karenge apne dil mein

tere aankh-jazire se ab kaT jaenge

dhund se par bhi kaam karengi apni nazren

aankh ke samne se ye baadal chhaT jaenge

aaKHir Dhal jaega jiwan-rog ka suraj

hum bhi okhe-din hain lekin kaT jaenge

log hamein mahsus karenge phul aur tare

aur hum sochti dil-ankhon mein baT jaenge

dekhna aisi raat bhi aaegi jab 'aKHtar'

dhire dhire hum taron se aT jaenge