ai jaan mere dil ko dukhana nahin achchha

ai jaan mire dil ko dukhānā nahīñ achchhā

maiñ dard rasīda huuñ satānā nahīñ achchhā

karte ho sitam ham pe raqīboñ se mohabbat

ham jaan ga.e dil kā lagānā nahīñ achchhā

thā sub.h ko ye va.ada ki ham shab ko mileñge

so ab talak aate ho bahānā nahīñ achchhā

furqat meñ taḌaptā hai paḌā haa.e ye 'be-gun''

dil le ke sanam raah batānā nahīñ achchhā

ai jaan mere dil ko dukhana nahin achchha

main dard rasida hun satana nahin achchha

karte ho sitam hum pe raqibon se mohabbat

hum jaan gae dil ka lagana nahin achchha

tha subh ko ye wada ki hum shab ko milenge

so ab talak aate ho bahana nahin achchha

furqat mein taDapta hai paDa hae ye 'be-gun

dil le ke sanam rah batana nahin achchha