ai junun kuchh to khule aaKHir main kis manzil mein hun
ai junun kuchh to khule aaKHir main kis manzil mein hun
Suroor Barabankvi
MORE BYSuroor Barabankvi
ai junūñ kuchh to khule āḳhir maiñ kis manzil meñ huuñ
huuñ javār-e-yār maiñ yā kūcha-e-qātil meñ huuñ
pā-ba-jaulāñ apne shānoñ par liye apnī salīb
maiñ safīr-e-haq huuñ lekin narġha-e-bātil meñ huuñ
jashn-e-fardā ke tasavvur se lahū gardish meñ hai
haal meñ huuñ aur zinda apne mustaqbil meñ huuñ
dam-ba-ḳhud huuñ ab sar-e-maqtal ye manzar dekh kar
maiñ ki ḳhud maqtūl huuñ lekin saf-e-qātil meñ huuñ
ik zamāna ho gayā bichhḌe hue jis se 'surūr'
aaj usī ke sāmne huuñ aur bharī mahfil meñ huuñ
ai junun kuchh to khule aaKHir main kis manzil mein hun
hun jawar-e-yar main ya kucha-e-qatil mein hun
pa-ba-jaulan apne shanon par liye apni salib
main safir-e-haq hun lekin nargha-e-baatil mein hun
jashn-e-farda ke tasawwur se lahu gardish mein hai
haal mein hun aur zinda apne mustaqbil mein hun
dam-ba-KHud hun ab sar-e-maqtal ye manzar dekh kar
main ki KHud maqtul hun lekin saf-e-qatil mein hun
ek zamana ho gaya bichhDe hue jis se 'surur'
aaj usi ke samne hun aur bhari mahfil mein hun
- Book : Ghazalistaan (Pg. 220)
- Author : Farkhanda Hashmi, Najeeb Rampuri
- Publication : Farid Book Depot ltd, New Delhi (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
