ai KHuda aisa moajiza ho koi

ai ḳhudā aisā mo.ajiza ho koī

ishq meñ mere mubtalā ho koī

is tarah dekhtā huuñ maiñ us ko

jis tarah ḳhvāb dekhtā ho koī

ain mumkin hai us ġhazal meñ sher

mere hissa ke kah rahā ho koī

rab kā jo har kahā qubūl kare

us ke hoñToñ pe kyā gilā ho koī

gum-shuda likh ke ek parche par

merī tasvīr bāñTtā ho koī

shab-e-furqat kā ġham liye ghar meñ

aaj kī raat jāgtā ho koī

dastaras meñ nahīñ hai chain-o-sukūñ

zindagī ġham kā silsila ho koī

jhuum uThte haiñ dekh kar is ko

naġhma-e-zindagī nasha ho koī

ai KHuda aisa moajiza ho koi

ishq mein mere mubtala ho koi

is tarah dekhta hun main us ko

jis tarah KHwab dekhta ho koi

ain mumkin hai us ghazal mein sher

mere hissa ke kah raha ho koi

rab ka jo har kaha qubul kare

us ke honTon pe kya gila ho koi

gum-shuda likh ke ek parche par

meri taswir banTta ho koi

shab-e-furqat ka gham liye ghar mein

aaj ki raat jagta ho koi

dastaras mein nahin hai chain-o-sukun

zindagi gham ka silsila ho koi

jhum uThte hain dekh kar is ko

naghma-e-zindagi nasha ho koi