ai KHub-ru farishta siyar-anjuman mein aa
ai ḳhūb-rū farishta siyar-anjuman meñ aa
sarv-e-ravān-e-husn hamāre chaman meñ aa
muñh bāñdh kar kalī sā na rah mere paas tū
ḳhandāñ ho kar ke gul kī sifat Tuk suḳhan meñ aa
ushshāq jāñ-ba-kaf khaḌe haiñ tere ās-pās
ai dil-rubā-e-ġhārat-e-jāñ apne fan meñ aa
duurī na kar kanār suuñ merī tū ai humā
kab lag rahegā duur tak apne vatan meñ aa
tere milāp bin nahīñ 'fā.ez' ke dil ko chain
jiyūñ ruuh ho basā hai tū us ke badan meñ aa
ai KHub-ru farishta siyar-anjuman mein aa
sarw-e-rawan-e-husn hamare chaman mein aa
munh bandh kar kali sa na rah mere pas tu
KHandan ho kar ke gul ki sifat Tuk suKHan mein aa
ushshaq jaan-ba-kaf khaDe hain tere aas-pas
ai dil-ruba-e-ghaarat-e-jaan apne fan mein aa
duri na kar kanar sun meri tu ai huma
kab lag rahega dur tak apne watan mein aa
tere milap bin nahin 'faez' ke dil ko chain
jiyun ruh ho basa hai tu us ke badan mein aa
- Book : Intekhab Kalam (Pg. 33)
- Author : Sadruddin M. Faaiz
- Publication : Urdu Academy Dehli (1991)
- Edition : 1991
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
