ai naseh chashm-e-tar se mat kar aansu pak rahne de
ai nāseh chashm-e-tar se mat kar aañsū paak rahne de
are bedard rone meñ mujhe bebāk rahne de
baras mat abr miT jaagā bagholā ḳhāk-e-majnūñ kā
ḳhudā ke vāste dasht-e-junūñ kī naak rahne de
dil-e-zaḳhmī hai shā.eq bū-e-gul aur shor-e-bulbul kā
rafū-gar fasl-e-gul meñ ye garebāñ chaak rahne de
ye tāqat nazr hai ai nā-tavānī par bahāroñ meñ
mire hāthoñ ko chāk-e-jeb par chālāk rahne de
nasīhat mujh ko tark-e-ishq kī kuchh farz nahīñ tujh par
na chhoḌ ai shaiḳh sunnat muñh meñ nit misvāk rahne de
uḌā mat ai nasīm-e-bāġh-e-jannat kyā karūñ tujh ko
mire sar par zarā pī kī galī kī ḳhaak rahne de
agar juuñ sham.a-dīd-e-sho.ala-rūyāñ chāhiye 'uzlat'
nazārā tā na jal jā chashm ko namnāk rahne de
ai naseh chashm-e-tar se mat kar aansu pak rahne de
are bedard rone mein mujhe bebak rahne de
baras mat abr miT jaga baghola KHak-e-majnun ka
KHuda ke waste dasht-e-junun ki nak rahne de
dil-e-zaKHmi hai shaeq bu-e-gul aur shor-e-bulbul ka
rafu-gar fasl-e-gul mein ye gareban chaak rahne de
ye taqat nazr hai ai na-tawani par bahaaron mein
mere hathon ko chaak-e-jeb par chaalak rahne de
nasihat mujh ko tark-e-ishq ki kuchh farz nahin tujh par
na chhoD ai shaiKH sunnat munh mein nit miswak rahne de
uDa mat ai nasim-e-bagh-e-jannat kya karun tujh ko
mere sar par zara pi ki gali ki KHak rahne de
agar jun shama-did-e-shoala-ruyan chahiye 'uzlat'
nazara ta na jal ja chashm ko namnak rahne de
- Deewan-e-uzlat(Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
