ai rashk-e-mahr koi bhi tujh sa hasin nahin

ai rashk-e-mahr koī bhī tujh sā hasīñ nahīñ

zohra nahīñ parī nahīñ māh-e-mubīñ nahīñ

tanhā nahīñ huuñ qabr meñ armāñ vasl kyā

hamdam nahīñ rafīq nahīñ ham-nashīñ nahīñ

aa kar chaman meñ āh-e-ḳhizāñ ne ye kyā kiyā

belā nahīñ gulāb nahīñ yā samayñ nahīñ

aisā koī nahīñ jo tire dard-e-hijr se

ġhamgīñ nahīñ hazīñ nahīñ andohgīñ nahīñ

uryānī-e-badan hai ajab muḳhtasar libās

dāman nahīñ hai jeb nahīñ āstīñ nahīñ

sharminda kyā dahān-o-ruḳh-o-zulf-e-yār se

ġhuncha nahīñ gulāb nahīñ mushk-chīñ nahīñ

baḌh kar miThās meñ lab-e-shīrīñ yaar se

misrī nahīñ hai qand nahīñ añgbīñ nahīñ

josh-e-junūñ meñ ab tire bīmār-e-ishq meñ

dānish nahīñ ḳhirad nahīñ rā-e-matīñ nahīñ

insān hai jahāñ meñ vahī aadmī ki jo

zālim nahīñ harīs nahīñ aib-bīñ nahīñ

zardār aur malak haiñ afsos hind meñ

chāñdī nahīñ talā nahīñ durr-e-samīñ nahīñ

kyūñkar kalām ho mirā be-misl 'barq' meñ

'urfī' nahīñ 'kamāl' nahīñ 'bin-mubīñ' nahīñ

ai rashk-e-mahr koi bhi tujh sa hasin nahin

zohra nahin pari nahin mah-e-mubin nahin

tanha nahin hun qabr mein arman wasl kya

hamdam nahin rafiq nahin ham-nashin nahin

aa kar chaman mein aah-e-KHizan ne ye kya kiya

bela nahin gulab nahin ya samayn nahin

aisa koi nahin jo tere dard-e-hijr se

ghamgin nahin hazin nahin andohgin nahin

uryani-e-badan hai ajab muKHtasar libas

daman nahin hai jeb nahin aastin nahin

sharminda kya dahan-o-ruKH-o-zulf-e-yar se

ghuncha nahin gulab nahin mushk-chin nahin

baDh kar miThas mein lab-e-shirin yar se

misri nahin hai qand nahin angbin nahin

josh-e-junun mein ab tere bimar-e-ishq mein

danish nahin KHirad nahin ra-e-matin nahin

insan hai jahan mein wahi aadmi ki jo

zalim nahin haris nahin aib-bin nahin

zardar aur malak hain afsos hind mein

chandi nahin tala nahin durr-e-samin nahin

kyunkar kalam ho mera be-misl 'barq' mein

'urfi' nahin 'kamal' nahin 'bin-mubin' nahin