ai subh main ab kahan raha hun

ai sub.h maiñ ab kahāñ rahā huuñ

ḳhvāboñ hī meñ sarf ho chukā huuñ

sab mere baġhair mutma.in hoñ

maiñ sab ke baġhair jī rahā huuñ

kyā hai jo badal ga.ī hai duniyā

maiñ bhī to bahut badal gayā huuñ

go apne hazār naam rakh luuñ

par apne sivā maiñ aur kyā huuñ

maiñ jurm kā e'tirāf kar ke

kuchh aur hai jo chhupā gayā huuñ

maiñ aur faqat usī kī ḳhvāhish

aḳhlāq meñ jhuuT boltā huuñ

ik shaḳhs jo mujh se vaqt le kar

aaj aa na sakā to ḳhush huā huuñ

har shaḳhs se be-niyāz ho jā

phir sab se ye kah ki maiñ ḳhudā huuñ

charke to tujhe diye haiñ maiñ ne

par ḳhuun bhī maiñ hī thūktā huuñ

royā huuñ to apne dostoñ meñ

par tujh se to hañs ke hī milā huuñ

ai shaḳhs maiñ terī justujū se

bezār nahīñ huuñ thak gayā huuñ

maiñ sham'-e-sahar kā naġhma-gar thā

ab thak ke karāhne lagā huuñ

kal par hī rakho vafā kī bāteñ

maiñ aaj bahut bujhā huā huuñ

koī bhī nahīñ hai mujh se nādim

bas tai ye huā ki maiñ burā huuñ

ai subh main ab kahan raha hun

KHwabon hi mein sarf ho chuka hun

sab mere baghair mutmain hon

main sab ke baghair ji raha hun

kya hai jo badal gai hai duniya

main bhi to bahut badal gaya hun

go apne hazar nam rakh lun

par apne siwa main aur kya hun

main jurm ka e'tiraf kar ke

kuchh aur hai jo chhupa gaya hun

main aur faqat usi ki KHwahish

aKHlaq mein jhuT bolta hun

ek shaKHs jo mujh se waqt le kar

aaj aa na saka to KHush hua hun

har shaKHs se be-niyaz ho ja

phir sab se ye kah ki main KHuda hun

charke to tujhe diye hain main ne

par KHun bhi main hi thukta hun

roya hun to apne doston mein

par tujh se to hans ke hi mila hun

ai shaKHs main teri justuju se

bezar nahin hun thak gaya hun

main sham'-e-sahar ka naghma-gar tha

ab thak ke karahne laga hun

kal par hi rakho wafa ki baaten

main aaj bahut bujha hua hun

koi bhi nahin hai mujh se nadim

bas tai ye hua ki main bura hun