ai tajalli kya hua shewa teri takrar ka

ai tajallī kyā huā sheva tirī takrār kā

mar gayā āḳhir ko ye tālib tire dīdār kā

kyā binā-e-ḳhāna-e-ushshāq be-buniyād hai

Dhal gayā sar se mire saaya tirī dīvār kā

roz beh hotā nazar aatā nahīñ ye zaḳhm-e-dil

dekhiye kyā ho ḳhudā hāfiz hai is bīmār kā

nau-mulāzim lāl-e-lab ko le ga.e tanḳhvāh meñ

be-talab rahtā hai ye naukar tirī sarkār kā

dekh na.iiñ saktā 'fuġhāñ' shādī dil-e-āfat-talab

ye kahāñ se ho gayā mālik mire ghar-bār kā

ai tajalli kya hua shewa teri takrar ka

mar gaya aaKHir ko ye talib tere didar ka

kya bina-e-KHana-e-ushshaq be-buniyaad hai

Dhal gaya sar se mere saya teri diwar ka

roz beh hota nazar aata nahin ye zaKHm-e-dil

dekhiye kya ho KHuda hafiz hai is bimar ka

nau-mulazim lal-e-lab ko le gae tanKHwah mein

be-talab rahta hai ye naukar teri sarkar ka

dekh nain sakta 'fughan' shadi dil-e-afat-talab

ye kahan se ho gaya malik mere ghar-bar ka