ai zalim tere jab se pale paDe

ai zālim tire jab se paale paḌe

hameñ apne jiine ke laale paḌe

phire DhūñDte pā-barahna tujhe

yahāñ tak ki paañv meñ chhāle paḌe

kiyā hai ye tuġhiyāñ mire ashk ne

ki bahte haiñ duniyā meñ naale paḌe

chalā ġhair par na.iiñ ye tīr-e-nigāh

hamārī hī chhātī pe bhāle paḌe

hameñ kyuuñ ki vo shoḳh baale na de

ki ab kaan meñ kaan baale paḌe

mirā ḳhūn-e-dil yuuñ bahā dasht meñ

ki jañgal meñ lohū ke thāle paḌe

'jahāñdār' ġham hai kisī lāla-rū kā

jo dil par tire daaġh kaale paḌe

ai zalim tere jab se pale paDe

hamein apne jine ke lale paDe

phire DhunDte pa-barahna tujhe

yahan tak ki panw mein chhaale paDe

kiya hai ye tughiyan mere ashk ne

ki bahte hain duniya mein nale paDe

chala ghair par nain ye tir-e-nigah

hamari hi chhati pe bhaale paDe

hamein kyun ki wo shoKH baale na de

ki ab kan mein kan baale paDe

mera KHun-e-dil yun baha dasht mein

ki jangal mein lohu ke thaale paDe

'jahandar' gham hai kisi lala-ru ka

jo dil par tere dagh kale paDe