ai zulf uske munh se tu to lipaT rahi hai
ai zulf us ke muñh se tū to lipaT rahī hai
gesū ko kāTiyo mat vo aap kaT rahī hai
ho kis tarah mayassar us bahr husn kī sair
abrū kī ek kashtī so bhī ulaT rahī hai
dil dene kī haqīqat ham ḳhuub jānte haiñ
hai ġham kisī kā us ko jo zulf laT rahī hai
mahrūm ham hī haiñ is mehmāñ-sarā meñ varna
kis kis tarah kī ne.amat ḳhilqat ko baT rahī hai
ḳhālī nahīñ ḳhalal se 'joshish' ye ḳhaibar-e-dil
din raat mauj ġham kī is se chimaT rahī hai
ai zulf us ke munh se tu to lipaT rahi hai
gesu ko kaTiyo mat wo aap kaT rahi hai
ho kis tarah mayassar us bahr husn ki sair
abru ki ek kashti so bhi ulaT rahi hai
dil dene ki haqiqat hum KHub jaante hain
hai gham kisi ka us ko jo zulf laT rahi hai
mahrum hum hi hain is mehman-sara mein warna
kis kis tarah ki neamat KHilqat ko baT rahi hai
KHali nahin KHalal se 'joshish' ye KHaibar-e-dil
din raat mauj gham ki is se chimaT rahi hai
- Deewan-e-Joshish(Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
