ye shabnam phul tare chandni mein aks kis ka hai

ye shabnam phuul taare chāñdnī meñ aks kis kā hai

sunahrī dhuup chhāñv raushnī meñ aks kis kā hai

ye Dhaltī shaam ye qaus-e-quzah kī rañg-āmezī

ye niile āsmāñ kī dilkashī meñ aks kis kā hai

suhānī shab liye āġhosh meñ ḳhvāboñ kī pariyoñ ko

chamakte din kī is afsūñ-garī meñ aks kis kā hai

anā kī sar-kashī ummīd-e-armāñ ḳhvāb kī duniyā

dhaḌakte dil fusūn-e-zindagī meñ aks kis kā hai

ye 'sayyad' ḳhvāb se tarshe hue nāzuk hasīñ paikar

nuqūsh-e-rashk-e-sehr-e-sāmrī meñ aks kis kā hai

ye shabnam phul tare chandni mein aks kis ka hai

sunahri dhup chhanw raushni mein aks kis ka hai

ye Dhalti sham ye qaus-e-quzah ki rang-amezi

ye nile aasman ki dilkashi mein aks kis ka hai

suhani shab liye aaghosh mein KHwabon ki pariyon ko

chamakte din ki is afsun-gari mein aks kis ka hai

ana ki sar-kashi ummid-e-arman KHwab ki duniya

dhaDakte dil fusun-e-zindagi mein aks kis ka hai

ye 'sayyad' KHwab se tarshe hue nazuk hasin paikar

nuqush-e-rashk-e-sehr-e-samri mein aks kis ka hai