aisa jina bhi kya hai mar mar ke
aisā jiinā bhī kyā hai mar mar ke
vo jahāñ bhī rahe rahe Dar ke
ab kisī tarah dil nahīñ lagtā
ghar meñ sab kuchh to hai sivā ghar ke
saañs kā bojh ab nahīñ uThtā
jism ḳhālī hai dhaḌ binā sar ke
us ko jaane kī kitnī jaldī thī
baat saarī kahī pa kam kar ke
jalva dekhā lahū kā us ne jab
hosh hī uḌ ga.e the ḳhanjar ke
ret-o-sāhil meñ sulh phir na huī
thak ga.ī mauj iltijā kar ke
zaḳhm kuchh is tarah se hañste haiñ
ashk bahne lage haiñ nashtar ke
raas aayā ġham-e-shanāsā.ī
vaar pahchān ke the ḳhanjar ke
us ko nārāz honā aatā hai?
vaarī jā.ūñ maiñ aise tevar ke
aisa jina bhi kya hai mar mar ke
wo jahan bhi rahe rahe Dar ke
ab kisi tarah dil nahin lagta
ghar mein sab kuchh to hai siwa ghar ke
sans ka bojh ab nahin uThta
jism KHali hai dhaD bina sar ke
us ko jaane ki kitni jaldi thi
baat sari kahi pa kam kar ke
jalwa dekha lahu ka us ne jab
hosh hi uD gae the KHanjar ke
ret-o-sahil mein sulh phir na hui
thak gai mauj iltija kar ke
zaKHm kuchh is tarah se hanste hain
ashk bahne lage hain nashtar ke
ras aaya gham-e-shanasai
war pahchan ke the KHanjar ke
us ko naraaz hona aata hai?
wari jaun main aise tewar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
