aisa wo be-shumar-o-qatar intizar tha

aisā vo be-shumār-o-qatār intizār thā

pahlī hī baar dūsrī baar intizār thā

ḳhāmoshī-e-ḳhizāñ thī chaman-dar-chaman tamām

shāḳh-o-shajar meñ shor-e-bahār intizār thā

dekhā to ḳhalvat-e-ḳhas-o-ḳhāshāk ḳhvāb meñ

raushan koī charāġh-e-sharār intizār thā

bāhar bhī gard umiid kī uḌtī thī duur duur

andar bhī chāroñ-samt ġhubār intizār thā

phaile hue vo ghaas ke taḳhte na the vahāñ

dar-asl ek silsila-vār intizār thā

koī ḳhabar thī āmad-o-imkān-e-sub.h kī

aur us ke ird-gird hisār intizār thā

kis ke gumān meñ the na.e mausamoñ ke rañg

kis kā mire sivā sarokār intizār thā

umDā huā hujūm-e-tamāshā thā dā.eñ-bā.eñ

tanhā thiiñ āñkheñ aur hazār intizār thā

chakkar the paañv meñ koī shām-o-sahar 'zafar'

uupar se mere sar pe savār intizār thā

aisa wo be-shumar-o-qatar intizar tha

pahli hi bar dusri bar intizar tha

KHamoshi-e-KHizan thi chaman-dar-chaman tamam

shaKH-o-shajar mein shor-e-bahaar intizar tha

dekha to KHalwat-e-KHas-o-KHashak KHwab mein

raushan koi charagh-e-sharar intizar tha

bahar bhi gard umid ki uDti thi dur dur

andar bhi chaaron-samt ghubar intizar tha

phaile hue wo ghas ke taKHte na the wahan

dar-asl ek silsila-war intizar tha

koi KHabar thi aamad-o-imkan-e-subh ki

aur us ke ird-gird hisar intizar tha

kis ke guman mein the nae mausamon ke rang

kis ka mere siwa sarokar intizar tha

umDa hua hujum-e-tamasha tha daen-baen

tanha thin aankhen aur hazar intizar tha

chakkar the panw mein koi sham-o-sahar 'zafar'

upar se mere sar pe sawar intizar tha