aise chup chup bhi kya jiya jae

aise chup chup bhī kyā jiyā jaa.e

ab kahīñ ishq hī kiyā jaa.e

dil ke shīshe pe hai ġhubār bahut

aaj kuchh der ro liyā jaa.e

ajnabī shahr be-namak chehre

kise ham-rāz-e-dil kiyā jaa.e

habs kī pyaas hai bujhegī kahāñ

āb-e-haivāñ hī go piyā jaa.e

dil hai vīrān shahr bhī ḳhāmosh

phone hī us ko kar liyā jaa.e

ek dīvār-e-jism baaqī hai

ab use bhī girā diyā jaa.e

ho gayā taar taar har manzar

'shām' chāk-e-nazar siyā jaa.e

aise chup chup bhi kya jiya jae

ab kahin ishq hi kiya jae

dil ke shishe pe hai ghubar bahut

aaj kuchh der ro liya jae

ajnabi shahr be-namak chehre

kise ham-raaz-e-dil kiya jae

habs ki pyas hai bujhegi kahan

aab-e-haiwan hi go piya jae

dil hai viran shahr bhi KHamosh

phone hi us ko kar liya jae

ek diwar-e-jism baqi hai

ab use bhi gira diya jae

ho gaya tar tar har manzar

'sham' chaak-e-nazar siya jae